1.     شحاد و كانت صغيري للرائع سمير يزبك

كلمات موالين للرائع سمير يزبك


الموال : كانت صغيري

كانت صغيري و كنت متل صغير .. ربيتها و علمتها تعشق فقير
و لمن تفتحت عالحب و النهدات .. هجرت حنيني و طيرت بكير
و مش هي أول و أخر المرات .. كل مرة هيك عم بيصير
بشقى و بركض و بسابق العتمات .. و بربي لغيري بالهوى عصافير
و بعد ما روق و لملم اللهتات .. برجع لحالي بقول يالله شو كبير
معليش لو اقعدت لحن الآهات ..
لك هي عادتي اتعب و اشقى وربي طيور و كل ما بربي طير عم بيطير


موال : شحاد

يا مين ع شحاد يهديني .. منشان سر الكار يعطيني
لا مال بدي و لا برزق طمعان .. ولامقصدي ضيعة ولامديني
بدي عصا من قرنة العميان .. اتعكز عليها بتكفيني
اتدروش و ابرم على الجيران .. و عكل عتبة ينحني جبيني
شحاد آيه شحاد بشحد عاطفة حنان .. للي ابتعد عني و ناسيني
و بتنهنه بغصة طفل عطشان .. قلبي احترق يا ميمتي يا رجوتي اسقيني
شحاد بشحد كحلة الغزلان .. لعيونك اللي فيهم قتلتيني
وبشحدلك الغفوة من النعسان .. حتى تنامي حتى تنامي يا تقبريني
وبقصد على الآرزة مهد جبران .. و بقلو ع سليمى دخلك هديني
تشوف شو قلتلها قصدان .. و من روح ازكى روح غذيني
و ببكي على مجنون ليلى الكان .. و الكاويه كاويني
ببحر الهوى قلبو مشي قبطان .. لكن من عدا سفيني
وبرجع وبستنى شهر نيسان .. وبقول بكرة الخير جايني
بشحدلك من الورد ريحان .. من وين ما دعستي تقشعي زيني
و بشحدلك من الآنجيل و القرآن .. حجابات فيها دينك و ديني
بركي بتجي و بتطردي الشيطان .. واللي حضا يعقوب يحضيني
قبلي و بعدي ما انظلم انسان .. على قد ما بحبك آيه ظلمتيني
و لو كان قلبي من صخر صوان .. حلّو يلين الصخر و تليني
وراضي و لا والله مش زعلان .. و إعدام بقبل لو حكمتيني
ع شرط انتي تفصلي الأكفان ..
و ابقي يا عمري بالسنة مرة حسنة لوجه الله زوريني