لون الوفا

كان يا ما كان من     ماضي الزمان       موجود شجرة شلوشها مصدر امان

وكان في صبي عا طول يلعب حدهاّ      وما  كان منها   يقربوّ غير   الحنان

كانوا سوا   يتعانقو طول     النهار            وترسم إلو الأحلام   عا    ورقاتها

يعربش عليها يجن يهجم عا الثمار              وبعد التعب  يغفى تحت     فيّاتها

كانت تحب تضّل بالممكن معو                  ولولا حكي بالهمس تقدر تسمعو

لكن عا غفلة  تبددوّ   احلامها                  وعالبعد صارو عيونها عم يدمعو

وهيك ابتعد من حدهّا وضاع الهوى          وإلا   دفا التذكار  منو   ما    بقي

سافر ببحر العمر عا   مواج  النوى            وبطلّ   متل ما كان    فيها  يلتقي

v                                                  

  لكن بعد اعوام عاد      وزارها                تعبان قلبو   كان مقهور  وحزين

فرحت وشعلت مع وجودو نارها             وقالت تعا تا نِرجع نوعيّ الحنين

قال كبرت عا اللعب واليوم السؤال              بدي مصاري وحاجتي  كبيرة  كتير

 قالت يا ريت بجيبتي موجود مال              كرمال حقق حلمك وارضي الضمير

لكن إذا بتريد   مفتوح      المجال               تقطف ثماري    تبيعها    بمبلغ كبير

باع الثمار وفلّ  تا يرضي الخيال              وبقيت وحيدة تواجه جيوش المصير

ومرة بعد ما ما دقّ عا بوابو  الشياب        عاد    وبعينو شهوة  ولاد   الزغار

كانت سعيدة     تعانقو     بعد الغياب          حبتّ الماضي تعيد  بعد الإنتظار

قال كبرت والعمر   حملني   هموم          ورجّال صرت وعيلتي إلها   حقوق

بدي سقف ضدّ الشتي وضد الغيوم          واكتر بعد عالوضع مش قدران روق

قالت ما عندي    بيت    حتى  ساعدك           لكن إذا بتحب في     عندي   حلول

قصقص غصوني وهون خليّ ساعدك          يشتد يبني بيت   طبعاَ عا  الأصول

قصّ الغصون وفل ساعات المسا                وكانت الفرحة عاملة بالقلب عيد

لكن الشجرة كان غامرها الأسى               يمكن   لأنو راجع   يصّفى  بعيد

وبنهار كان الجو عا بواب   الربيع           عاد ومرق من صوبها مرقة طريق

فتحت ايديها وداب ما بين الصابيع            وقالت تعا تا نرجعّ الماضي العتيق

قال تركيني تعبت من   هّم  الدني             وبديّ سفينة   تشّق موجات   القدر

قالت تعا اقطعني وبجزعي شدنيّ            وعمّر من الأخشاب مركب   للسفر

الجذع إنقطع والحلم بالحب إنشرى      وفلّ الصبي وما ضلّ غير صوت الصدى

وبقيت الشجرة سنين طيفو ناطرة          وعا   مفرق   الأيام    ما     لمحت   حدا

v    

لكن عا غفلة بعد مشوارو الطويل          وعمرو بعد ما صار عا حفافي الخريف

عاد وبايدو   حامل القلب   العليل          وورقات عمرو مشرشرة فوق الرصيف

وقفت قبالو وغرغرو دموع العيون         وقالت    تعا حيط     البعد    تا  نهدموّ

فضيت ايديي وعايشة بليل السكون         وما عدت   املك  شي  حتى        قدموّ 

ما  عاد فيي     قدمّ غلال   وثمار            ولا عاد     عندي جذع     تا    تتسلقو

وكل البقي بعد الشقا   بالإخصار              نتفة   جذور    بهالتراب         تعلقوّ    

تبسمّ وقال كبرت تعبني   الزمان           ومنكّ ما بدي غير مطرح إستريح

قالت جذوري بعدها افضل مكان            والجو حديّ مناسب كتير و مريح

معها قعد وإرتاح ما بين    الجذور          وفرحت     بعد ما   القلب ايام  إنجرح

رجعت الضحكة وشعّ بالعينين نور         وكرجت عا ورد خدودها دموع الفرح

v                                       

هيدي الشجرة إمنا    بحقّ    وحقيق          البتضلّ    طول    العمر فينا   تعتني

ونحنا الصبي البيعود اخرة  الطريق            مطرح ما بلشّ رحلتو صوب الدني

                                                                                ربيع لطيف