مساء الخير

وإذا قصدنا نضل بجو الحفل بزيد مساء العلم والتعاون والطموح والمواطنية والمجتمع . مساء بلدتي أكاديمي 1

مشروعنا هدفه خلق جامعة على بلدتي.كوم بتخرّج منسقين لمناطقٌهم وبتجهزن  بالمعلومات والقدرات اللازمة للعمل الفعال بالمجتمع المدني.

 الفكرة طموحة مراية لطموح فريق عمل بلدتي بدا تجهيز وبحث و تسويق وتعاطي مع مجموعات مختلفة من الناس من كل لبنان .

1-                  أول هدف من أهداف المشروع كان تجهيز مكتب بلدتي ليستقبل عدد من المنسقين وتدريبهن وهون بشكر USAID على دورهن بتجهيز مكتبنا ب-٨ كمبيوتر منهن ٢ power PC

وتأمين إمدادات network بالإضافة ل ٣ مكاتب وطاولة اجتماعات مولد كهرباء

(11 KVA-3 phases)- UPS – 3 Xeon servers (Exchange-Data server and Multimedia server)

يعني بالإختصار صار مكتب بلدتي مستقل من حيث الطاقة وجاهز لإستقبال 30 شخص.

و بما إنّو ما بيجوز منسّق منطقة مثلاً متل الأبيات يكون ملزوم يتنقّل لإليسار حتى يقرا Email   ويكون عندو وصول لقاعدة بيانات بلدتي إجا ال Exchange server 

تيسمح بهالخدمات للمجودين بمناطقن من بيتن أو مكتبن بس بكبسة زرّ.

هيك بنكون حقّقنا جزء من مخطّط بلدتي العمل و التواصل مع منسّقي المناطق ...هنّي بالمناطق.

2-               تاني هدف كان بتطوير موقع بلدتي.كوم بنسخته الثالثة يلّي بظرف 6 أشهر إنتقل من 0 ل 1197 شخص مسجّل.  متل ما عم بنشوف على الشاشة: زاد عدد المسجّلين على بلدتي.كوم بنسبة  75.77 %خلال الإشهر ال3 الماضيين. تصنيف بلدتي.كوم على Google 5/10 وعم نشهد معدّل زيادة بالمسجّلين بحوالي 250 شخص كل شهر. هالأشخاص هنّ مجموعة متطوّعي و داعمي بلدتي وخزّان الأخبار والمشاريع يلّي بيغذّي 1468 ضيعة لبنانيّة 192 بلد إغتراب بالإضافة لمشاريع وأندية عديدة.

3-               ثالث هدف كان بتطوير Curriculum  من خلال خبرتنا إستنتجنا أنّو كلّ منسّق ناجح ضروري يكون مضطلع عليه.

أ‌-        دروس في الصحافة، إستقاء الأخبار وتحريرها

ب‌-    دروس في الجمعيّات الأهليّة، نشأتها، تطوّرها، دورها و إدارتها.

ت‌-    دروس في المفاهيم المعتمدة في العلوم السياسيّة.

ث‌-    دروس في مفاهيم تكنولوجيا المعلوماتيّة IT)) الإنترنت و تدريب على موقع بلدتي.كوم وكيفيّة إستخدام هال application لغايات إنماء و تطوير المجتمعات.

كلّ هالدروس نوضعت online on moodle.org  الموصول على بلدتي.كوم وصار أيّ شخص حابب يطّلع عليها ويخوض الإختبارات بيقدر يوصلّا من

 Baldati academy e-community on Baldati.com

4-      بنوصل لرابع هدف يلّي كان جمع و تدريب أوّل دفعة من المنسّقين 150 لبناني من كل لبنان بالتساوي بين المحافظات و بنسبة متساوية بين إناث و ذكور.

على مرور 5 أسابيع ومن خلال ورشات عمل جمعنا 150 شخص من كل لبنان تدربوا وتحاوروا وحتى إنهن قدّموا فحوصات بالمواد يلّي عرضها عليهم مدرّبين مختصّين وعلى إساس هالفحوصات وتقييم المدرّبين تمّ إختيار أفضل 5 منسّقين.

عالشاشة بنشوف توزيع المشتركين من حيث المحافظات

و من حيث الجنس

وبنشوف أنّ نسبة توزيع المشتركين الأعلى كانت ضمن الشريحة العمريّة 20-30  سنة ومعدّل الأعمار العام 24.96 سنة.

ولكن كان في عدد كبير من الاشخاص فوق ال 30 و تحت ال 20 سنة الشيء اللي بيدلّ أنّ النشاط و العمل بمجال المجتمع المدني منن حكر على شريحة أو منطقة أو عمر معيّن ولكن هنّ هدف الكتار ومن الضروري يتمّ تشجيعن.

أخيراً بذكّر أنّو مشروع بلدتي أكاديمي بتمويل من ال USAID  قيمته 99 264 $  لمدّة 7 أشهر حقّق أهدافه الموضوعة كلها و بحب إختم بهالجملة :

The world is round and the place which may seem like the end may also be the beginning

بمعناه : العالم مدوّر و النقطة يلّي بتيّن أنها النهاية فيها تكون كمان بداية ، بداية الخطوة التالية لبلدتي

خليكن متتبعينا و لقائنا معكن ببلدتي أكاديمي 2.

وشكراً

الاونسكو 21/10/2008