بلدتي دوت كوم من صوت لبنان
عناوين بلدتي :
Every Thursday @ 4:20 pm :
Baldati.com on www.vdl.me
This week on www.radiobaldati.com :
كل مواطن خفير \كل مواطن اعلامي\ كل مواطن مقاوم\ كل مواطن مسوؤل
اذا قلنا الكمال الله ... على الانسان انو يسعى للكمال\ لكن بالحياة وبالواقع منشوف ناس راضيه قانعة بيلي هي فيه وناس بتركض ليل نهار واحلامها سابقتها والدني مش سايعتها
شو السر ؟؟؟؟؟؟ السر بالانتماء\ الانتماء لقضيه ....الانتماء لوطن
ويلي استنتجتوا على مدى سنين من العمل الاجتماعي والتعاطي مع الوف من البشر.... يلي بفرق مواطن مسوؤل عن مواطن غير مسوؤل هو... الانتماء
اذا بتعنيلك الارض ......بتحميها\ اذا بتعنيلك العيله بتحميها \ اذا بتعنيلك الطبيعه بتحميها .... لهيك منشوف الانتحار عند يلي ما بقي شي يعنيلو تيبقى بالدني كرما لو
على مدى 10 سنوات تعليم بأحدى الجامعات المفترض تكون جامعة منتمية
طلاب كتير اذا سألتون من ايا ضيعه.......انا ما بعرف ...... لبابي يمكن من ضيعه ...... انا من هونيك
ادارة اساتّّذه ما حدا واعي انو عم نعلم ....... ناس
عم نعلم شباب وصبايا تيصيروا مهندسين المستقبل ، مهندسين معمارين يشاركوا الخالق بالخلق
الخلق ... هل عملية بتعادل انك تتجراء تزيد ضربة قلم على ال MONALIZA
او تتجراء تزيد NOTE على سنفونيه لوليد غلميه
او تزيد كلمه على قصيدة سكبا سعيد عقل
نحنا ما اكتفينا يضربة قلم ولا بنوتا نحنا خلينا بظرف 30 سنه 87% من لبنان الاخضر يصير باطون وبور سيارات وبعد باقي 13% كل سنه منحرق نصن لانوا ما في انتماء
عميد كلية هندسة عظيم ... بيلومني لانوا عم بفتح هيك مواضيع مع التلاميذ وضيعلون وقتن.
نعم الانتماء هدر للوقت
بس الحلقة بالمناخير مش مشكله والشعر الاخضر دليل تطور والتدخين صحة والهبل عافية
نعم المهندس بلا انتماء متل طبيب بلا ضمير متل مواطن غير مسوؤل
الاهم نربح ، الأهم الاستثمار بدون اي حس بالمسوؤلية
واذا الانتماء هو بطبيعة الانسان ..... لكين كيف عم نفقدوا؟
هون مسوؤلية المجتمع ، المجتمع يلي بيتنكر لافرادوا وبهمشون وبهشلون متل اللام يلي بتنكر ولدا شوي شوي بتبطل اموا ...اللأم...... هي الأم يلبتربي والمجتمع .... هو المجتمع يلي بيرعى
الانتماء بيخلق معنا ودور العيله والمدرسه والجامعه يربونا على الانتماء
ويا بلديات ... دوركم اساسي تلموا الشمل توعوا وتزكروا وبلاخير تقطفوا ثمرة الانتماء جهد وعمل من الكل لمصلحة الكل .
الانتماء اليوم تطور صار SMS تعيد في يلي بتحبن او E-MAIL يضوي على مشكله صارت مع جارك او ARTICLE تشرح فكرا لمشروع جديد او PICUTRE بتغني عن الف كلمة بتعملها SHARE مع كل ال FRIENDS على الا FB
الانتماء تطور مع بلدتي وصار BALDATI.COM
رجاع لاصلك .... رجاع لانسانيتك عزز انتماءك تسجل ليوم على ضيعتك وكل لضيع يلي حبيتا
تسجل على BALDATI.COM
ألمجتمع المدني ... والمؤسسات المدنية
بين المدام الضجراني والشأن العام والمؤسسات المدنية ...
ضعنا وضيعنا العالم
صرنا نستحي نقول نحنا جمعية
Go green , save the nature , ما بيهم
اصلا كلمة جمعية من جماعة يعني على قولة زياد الرحباني : هي فرقة عالم مجموعين
فقدت قيمتها وصار لازم نبش على كلمة جديدة تحدد اكتر دور هالجماعة
بالعالم المتحضر في شي اسمو مؤسسات مدنية دورها تكون :
1. متخصصة: يعني اذا اهدافها طبية يكون فريقها لمع بمجال الطب وصار اذا حكي سمعنا درر و خبرة واهم شي عم تسمع حل. راح زمن الكاراج يلي بيصلح كل شي ... هيدا زمن الأختصاص
2. لاتبغي الربح: وهيدا ما بيعني لابسين خيش وعايشين بمغارة بس كمان مش المكتب والديكور بيطعمو ضيعة.
3. تؤمن بالشراكة : مش كل قبيلة عندا جمعيتا و يا محلا حرب القبايل عند حرب الجمعيات. شراكة حقيقية ...شراكة مصلحة عليا واختصاص وبعد العمر الطويل عبر اللامركزية الأدارية الكل بيشارك بادارة المجتمع ونموو
مؤسسات لاتبغي الربح
هيدا يلي بدنا ياه ومش بس بعلم و خبر ...بمعايير و مراقبة
الجمعية لما بتقطع شوط بالأدارة و الأختصاص بتبطل بس فكرة بتصير مؤسسة
الجامعة مؤسسة - الصليب الأحمر مؤسسة - وسيلة الأعلام مؤسسة - ما بقا فينا نكمل كيف ما كان
اذا لتزفت جورة بدك تصنيف بوزارة الأشغال
بس فيك تفقع حلقة عن سلامة الغذاء بلبنان تهشل السواح على 10 سنين يا بطل...
فيك تعمل نايب و تشرع : أذا كنت تحسن الكتابة والقراءة
فيك تمسك مشاريع بملايين الدولارات لانو عندك غطا سياسي حتى لو كنت بتفهم تنمية قد ما بيحكي صيني
اذا مؤسسات مدنية متخصصة
لاتبغي الربح هيدا شي تاني هيدا خيار...
الحياة الرهبانية " لا تبغي الربح" بتزرع لتكفي حاجتها للغذاء والباقي مفروض توزعوا
" لاتبغي الربح " صار خيار جدي عند كتير من الشركات التجارية بزمن قل هامش الربح وصار النجاح اذا غطينا أجورنا و مصاريفنا
مين لازم يصنف ؟ هون رح تدبك
وزارة الداخلية ؟ البلديات؟ البيئة؟الرياضة ؟ الشؤؤن الأجتماعية؟
انا بقول وزارة اللامركزية الأدارية... مع موافقة كل وزارة معنية حسب أختصاصا
عندي طلب لوزارة اللامركزية الأدارية اذا في حدا يساعدني
المستدعي : مؤسسة بلدتي المتخصصة بالتنمية عبر التكنولوجيا والتي لا تبغي الربح ....بس ما بدنا نشحد
الموضوع : أيمتا الفحص؟
التقليد شو بفيد....؟
بعد خبرة 48 سنة بعلم الفراسة... نعم 48 سنة من وقت يلي كنت طفل...
واعرف ... وج امي.... من حنان عيونا
واعرف وج بيي من الامان يلي على جبينه
واعرف مين بيحبني...... من نبرة صوته ،
ومين عم بيكذب عليي من بسمته ......
ومين بيريدلي الخير ... من الضو لي بوجه ،
ومين كلو شر من ريحت جلدتو
سموا (فراسه) ... سموا (حاسة سادسه ) ... سموا (body language)
سموا ليبدكن ياه بس صدقوني اول احساس هوه الصح ... ولبعدو بيجه تيأكد
وبعلم الضيع ..... نعم علم الضيع ... لأ نو الضيع علم ، اوعى تفتكروا فيكون تألعو كيف ما كان ، بمجتمع مصغر في الخير وفي الشر ... والشر شر ودايمن طاغي
في الخير : ناس طيبه محبه مسالمه... حكمه وشرف وفا
في الشر : حقد وحسد ، فشل ومكايد ، ابتزاز وغيرة
وفي الاخطر من الشر هوده لبين بين ، اجر بالبور... وأجر بالفلاحة
بسموا دبلوماسية... وسطية ...تقليديه
ببوسك وببوس 15 واحد غيرك ، وانتا ما في منك وكمان هوديك ما في منن وفهام بقى ،
هيدا ال تقليد لي ناطر متل طير الموت ... فوق المريض ،
هيدا التقليد يلي حكم لأ نو الخير انقسم ...وما عرف كيف يلعبا ،
هيدا التقليد يلي بياخدك على العين وبيردك عطشان ، هيدا التقليد يلي بيفرفك ايدايه وببسمه صفراويه هوه وعم بيعرق بيقلك .... ما مشي الحال
طيب قلي... معك ... ايمتا مشي الحال .....؟
لا قرار ...لا فكرا... لا طعمه ولا لون
عملا بمبدا ما بيخطئ يلي... ما بيعمل شي
التقليد يلي بيوصل ناس لا بتأخر ولا بتقدم ، حيطان ...، عواميد... ، اجراين كراسي ...
كلن على بعضن فرش كامل ... بس بعمرون ما عمرو بيت
مين قال التقليد شو بفيد ؟ أنا قال... ومسؤول عن كلامي
Every Friday @6:20 pm
"Baldati on www.Sawtloubnan.com "
Post your villages,NGO,clubs ... news
Baldati.com ...A community Talk Show where we discuss all about communities.
N.B. Baldati.org is a non political organization and we would like to thank VDL and any other media who can offer for us a free space on AIR to promote our mission.
